Minneord Bjarne Nesse
Ein av friidrettsgruppa sine store eldsjelar, Bjarne Nesse,døydde 11.november nær 80 år gamal. Biletet viser Bjarne i teten og er henta frå boka ´IL Fri - fra 1929 til 1979´.
Bjarne var aktiv mellomdistanseløpar på 1950- og 60-talet. Han kan vise til habile personlege rekordar på 800m med 2:00.2 i 1959, 1500m med 4:09.0 i 1965 og 3000m med 9:10.8 sett i 1964. Han fekk også æra av å representere Norge i ein juniorlandskamp mot Danmark.
Bjarne var leiar i friidrettsgruppa i perioden 1965-67 og han gjorde også ein kjempe innsats som trenar, styremedlem, stevnearrangør og dommar til langt ut på 1980-talet. Han hadde også verv i Hordaland Friidrettskrets.
Frå 1967 og i åra framover begynte det å skje store endringar i friidrettsgruppa i regi av trioen Bjarne, broren Torstein og Otto Hellegård. Saman gjorde dei eit kjempeløft for å få meir fart og satsing på friidretten i Arna. Mellom anna kom jentene med for fullt i friidrett og allereie så tidleg som i 1971 gav dette resultat i form av at IL Fri fekk sin første kvinnelege deltakar på landslaget.
Vi lyser fred over Bjarne Nesse sitt minne.
Foto: Bygdanytt (1981)
